tussen asem

Hannes Visser

In sy tweede digbundel, tussen asem, besoek Hannes Visser die gedagte dat die heel eerste asem van 'n lewe die begin van die heel laaste asem is. Tussen die eerste en laaste asem is 'n reis wat onderneem word.

POMPEII

Bets Smith

Twee vroue in verskillende eeu ontrafel geheime, geloof en liefde teen die agtergrond van Pompeii se ondergang. Met byna 2000 jaar tussen hul onderskeie lewens, moet sowel Aeliana en die hedendaagse Liana leer vergewe, hul harte oopstel en vrede vind te midde van die puin van die verlede.

ONTRAFEL

Stef Kruger

Die bekroonde Afrikaanse sanger, Stef Kruger, se debuutbundel beloof om een van vanjaar se hoogtepunte op die fees te wees. Kom sit aan tafel met een van Suid-Afrika se legendariese liedjieskrywers!

DOUWENIS · WAAR DIE LAMMERS NIE SUIP NIE

Daniël Lötter

Daniël is in 1973 op Fraserburg in die Karoo gebore en beide Douwenis en Waar die lammers nie suip nie, vertel meesleurende historiese verhale oor wat gebeur wanneer 'n gemeenskap se geheime nie meer begrawe kan bly nie.

ZEUS VAN WYNGAARDT EN DIE LABIRINTE VAN MONSTERS

Julio Agrella

Zeus van Wyngaardt en die labirinte van monsters is die vyfde boek in die gewilde Afrikaanse misdaad- en speurreeks deur skrywer Julio Agrella met die aweregse, plotsak hoofkarakter en speurder - Zeus van Wyngaardt.

Die vuur huil

Die halfklaar storie van 'n vryheidsvegter

Allen Grootboom

In die vroeë 1970's vlug Jakob Koetaan Kaapstad toe. Toe die land begin brand, moes Jakob homself afvra: Is hy bereid om te baklei vir sy grond?

As die vuur huil is afgetrede politikus en sielkundige, Allen Grootboom, se debuutroman.

JAGSPINNEKOP

Erla Diedericks

Smooch is 'n aanlyn platform waar mense hul fantasieë uitleef, maar vir profileerder Suzette Fourie is dit die Jagspinnekop se dodelike jagveld. Gewilde skrywer Erla Diedericks se nuutse spanningsroman laat die poppe behoorlik dans!